ولك يا گـَلب چنك اله اشتاگيت

[ولصمتي حكاية...]

ولك يا گـَلب چنك اله اشتاگيت
مليت اني منه وانت مامليت ؟؟

ميحبك يگلبي شبيگ افهم عاد

نساك الي تحبه وانت ابد مــنسيت

ميفكر بعد ميهمه حالك هاذ

ولاتنزل ابد دمعاته مهما ابچيت

لا تهتم ياگلبي وانسه حبه ارجوك

قابل گلبه انته ومني تبريت؟!

اعرفك ذايب وخلصان ميت شوگ

أي بس كابر بعد .. اعرف ولك حنيت

اريدك مثلي مــتبين حزن عيناك

مو هذا اني يمك .. والله هم عانيت

ما اذكر جبرتك .. كافي هذا النوح

انت الجازفت بالحب تره وحبيت

اتحمل نتيجة تعبك المافــــــــاد

وحدك انت وحدك بالجرح ضليت

لاتترجه منه يحبك ويهواك

عافك وحدك وماقدرك من جيت

انسه الصار بيك وخلي اني ارتاح

ياگلبي اتعبت منك تره وجنيت

أموتك حته اخلص ؟ لو اموت شلون؟

أي مو من البچي بدموعي وك غصيت

أغني وچني ماشايل هموم الكون

ليش تصير ضدي وبس حزن غنيت

سويتك صدگ شاعر تحبه الناس

ردتك تنسه بس شو كلشي ماسويت

ضليت بحنانك وبمحبتك ذيچ

بعدك بالحلم عايش فلا فزيت

بعتني وانته گلبي وصرت مثله النوب

تفكر بالنســـــاك وعني اتخليـــــــــت

 

[مزاج كاتب]

رد: ولك يا گـَلب چنك اله اشتاگيت

ما ألطفها من أحاسيس تكمن في القلب تعبر عنها اروع المفردات و أعذب كلمات العتاب..تداعب القلب و الوجدان بأبهى صورة و أحلى بيان..شكرا لك غاليتنا و سلمت يداك

 

[امير النجوم]

رد: ولك يا گـَلب چنك اله اشتاگيت

يا بعيدة ..


صمت ٌ يبتلع أرجائي ..


يجهز لي في الظلمة أكفاني ..

و وحدك ِ تعلمين ..!


كم للمسافة من حزن ٍ دفين ..


كم لناي ..

من بحة ٍ على موج الظلمة في هدبك ِ الناعس يستكين ..




وحدك ِ تعلمين .



. كم وجه وجهه شطر عينيك ِ ..


غارقا ً ما بين العينين ..!



وحدك تعلمين


سُطِرَتْى نَبضاً مَجبُولٍ


بِـ الوَفَاءْ


مَطَراً يُغرِقُ الوَتِينَ بِقَطرَةِ احتِواءْ


وَ فَاضَتْ ..الرُوحُ عُمقاً يُسكِرُ الْألبَابْ ..!


حِسٌ رَاقِي وَ عَذبْ تُنصِتُ لهُ الجَوَارِحْ


سمو الاميره ..


حَلَقْتَ بِنَآ فِيْ سَمَاءِ الآَحلآمِ ..


المَكسُو بِالضِيَآءِ


وَإِنتَقَيتَ مِنْ مَخزُونِ النَثْرِ.


.أَجمَلَ مَعزُوفَةٍ وَتَرَنَمتَ بِبَذَخٍ.


يَرُوقُنِي السِحرُ المَزهُو فِيْ دَوحَتُكَ..

فــَ سَلِمتَى سَيدُه.. العَطَآءْ.



الامير...
​

 

[7aidar]

رد: ولك يا گـَلب چنك اله اشتاگيت

منورين
شكرا على مروركم
تحياتي

 

[سحر الشرق]

رد: ولك يا گـَلب چنك اله اشتاگيت

حروف مبللة بالدموع في طياتها تحمل عتبا وحزنا وما الحزن الا غيمة سياتي يوما وترحل عنك وتنير السعادة حياتك
سلمت اناملك المبدعة يعطيكي الف عافية

 

[7aidar]

رد: ولك يا گـَلب چنك اله اشتاگيت

نورتي الصفحة حياتي