محمد سعد رسائل صاروخية لجماعة الأخوان

[يويا]

السلام عليكم ورحمة الله وبركاته

​

وجه الفنان محمد سعد رسالة الى شباب الاخوان يدعوهم فيها الى التعقل ومراجعه حساباتهم مره أخرى والتفكير جيدا وعدم الالتفات الى قناه الجزيره وكل من يحاول اثاره الفتنه والقلاقل بين جموع الشعب المصرى.​

حيث كتب سعد عبر صفحته الشخصية بموقع التواصل الاجتماعى ( فيس بوك) : عزيزي الاخوانى ..ها... ازاي الحال ؟​

لسه برضه هتصدق الجزيرة بتاعتك ان الشعب كله معاك؟​

لسه برضه هتشتم ف الشعب و انهم مغيبين و مضحوك عليهم؟​

لسه محستش بالقفا اللي خدته و مازلت تأخذه من يوم 28 يونيو من قيادات الجماعه؟​

لسه برضه مقتنع ان 30 يونيو كان فوتوشوب زي ما الجزيرة قالتلك؟​

لسه مصدق ان يوم السبت هتحصل حاجه و الاحد مرسي هيبقي في القصر؟​

لسه بتدور علي شرعيتك؟​

شتمت الشعب و الجيش و الشرطة و حزب النور و...و...و... ها... لسه حد ماشتمتوش؟​

لسه مصدق ان الانقلاب خلاص هيسقط و الانقلابيين بيطلعوا في الروح زي ما بتكتبوا علي صفحاتكم؟​

أصلا لسه مصدق انه انقلاب؟​

لسه فيه حيطة مكتبتش عليها السيسي سفاح وقاتل؟​

لسه فيه حيطة مكتبتش عليها مرسي رئيسي؟​

لسه فيه حد ما طلعش عالجزيرة يشتم فينا؟​

لسه مصدق ان مفيش مفاوضات غير لما السيسي يتسجن و مرسي يرجع و مجلس الشعب ودستور 2012 يرجعوا؟​

لو اجابتك علي ما سبق (اه) ... أحب أقولك هتحتاج علاج نفسي غالبا لاقدر الله ...​

مرة واحدة ف حياتك بس اقفل الجزيرة و فكر بدماغك انت من غير ماحد يفكرلك..​

قبل ما ترد... الاسئلة دي كلها عشان تقعد مع نفسك كده و تشرب كوباية شاي و تفكر فيها... مش عشان تجاوبها ف كومنتات​

 

[سحر الشرق]

رد: محمد سعد رسائل صاروخية لجماعة الأخوان

تسلم ايديكي ع الخبر يعطيكي الف عافية