قصيده عن العراق

[ماذا تسموني]

قصيده عن العراق
ماعاش اليذلك يـا عـراق الخيـر
ولاعاش الرسملك عالوجـن دمعـه
عراق انته عراق امشرف التاريـخ
وبيارغ هيبتـك للعالـم امشرعـه
ثوبك ثوب عزه وانته تاج الـراس
يارمـز الحضـاره وللمجـد قلعـه
ابو الوكفات انته وانته ابو الطيبات
وابو جفوف السخيه وطيب السمعه
مو انته العراق الهيج بيك ايصيـر
يالصايـغ حياتـك للعـرب شمعـه
اشجم واحد اجاك ايلوذ من الجـوع
وتمد جفك خبـز للجايـع اتشبعـه
وجم واحد غرك ويصيح ها يعـراق
تلاحكلي اغركت وجفوفـك اتطلعـه
جم واحد سكت من صار بيهه ازماط
وبوكت المزامط صوتـك انسمعـه
معادنهم شبه كل ذولـه اليضـدوك
بس انته الذهب تيزاب مـو لمعـه
وجبل باقي العراق وما تهزه الريح
ولادنـك الـراس وخانتـه الهمـه
ظل واكف اشم من هـدوا العـدوان
صاح انه العـراق ومانكـر اسمـه
وكف بالساحه وحده وردداهه ابزود
وسمعوهه اشكبرهه اشتعني هالكلمه
ماريد اليهدلي وجفه احس مشلـول
ولاريـد اليهدلـي البايـع الذمـه
انه العباس هدلي وهدلي ابو السجاد
وجرسيفه وفزعلي وهدلي ابو اليمه
ماعاش اليذلك يـا عـراق الخيـر

 

[7aidar]

رد: قصيده عن العراق

روعة ما قرأت سلمت اناملك الذهبية
راق لي ماقرأت
الله يحفظ العراق وأهله
تحياتي وتقديري

 

[مزاج كاتب]

رد: قصيده عن العراق

شكرا على هذه المشاعر الطيبة و الأحاسيس الصادقة بحق بلادنا الغالية العراق..شكرا لط بنت بلادي على روعة التقديم..سلمت يداك

 

[امواج العشق]

رد: قصيده عن العراق

سلمت آنآملكـ اللؤلؤيه على
هذه المُشآركه المتميزه
موضوع رائع...
تحيآتي المطرزه بالورد ..~
الله يحفظ العراق الحبيب واهله

 

[دجانة]

رد: قصيده عن العراق

شكرا عالموضوع
ياريت تكبري الخط