حبيتك بروحي

[ولصمتي حكاية...]

حبيتك بروحي وما حجيت وياك
لان خفت امنكلك تبتعد عني
وضميتك بكلبي وما كلت للناس
ورضيت ابقى بعذابي ولوعتي ووني
بس لشوكت اصبر .., والصبر محدود
وانت بنظرتك يوميه تكتلني
معروفه اليحب بس الكلب ينطيه
بس انت شلع من عندي ماخذني
على جروح الكلب تتمشه من تفوت
ومن دمعات عيني جفوفك تحني
بعيونك سوالف بيها الف تفسير
وحرت يا نضره منهن بيها تقصدني
اريد تحس عذابي ومثلي كون تعيش
ليش انه الوحيد الشوك ماكلني
وليش انه انهضم واتحمل اللوعات
وانت بكل وكت مرتاح وتغني
اشوفك جوه كلبي اشايل من هموم
واشوفك نار كلبي البيه تحركني
وراها بكيفك انت تقرر وتختار
لو تبنيني بيدك لو تفلشني

اتمنى ان تنال اعجابكم

 

[مزاج كاتب]

رد: حبيتك بروحي

مفردات خطاب مؤثرة في النفس..و شذرات من عتاب أغلى من الذهب و أنفس,,سلم لنا بوحك العاطفي و مشاعرك الطيبة و.متمنيا لك السعادة و نيل المنى و أكثر..

 

[7aidar]

رد: حبيتك بروحي

منور فارس وشكرا على مرورك
تحياتي

 

[امير النجوم]

رد: حبيتك بروحي

الى آين ترحلين بنا ...


لقد تعدت شاعرنا حدود المكان ...

وتجاوزت بنا الآحاسيس حدود الزمان ...


حروف توالدت حتى شكلت آجمل الكلمات ...


وتكااتفت الحروف بالعواطف التي بين الضلوع ...

ورسمت آجمل السطور ابداع نفظ غبار الماضي ...

وآستنهض القلوب وجعل منها كوكبة من الآحساس ..

. حروفك ..

. كلماتك ...


سطورك آتيت بها الى هنا كي تغلق قلوبنا ..


. كي لاترى الا ماتكتبة مشاعرك آيتها الرائعة ...


لكى الجورى..


امير النجووووووم
​

 

[7aidar]

رد: حبيتك بروحي

شكرا يا امير على مرورك وكلماتك الجميلة

 

[ساري]

رد: حبيتك بروحي

كل الشكر والامتنان على روعهـ بوحـكـ ..

وروعهـ مانــثرت .. وجماليهـ طرحكـ ..

دائما متميزه في الانتقاء

سلمت يالغاليه على روعه طرحك

ابيات في قمة الروعه

نترقب المزيد من جديدك الرائع

دمت ودامت لنا روعه مواضيعك

اجمل تحيه و كل الود

 

[7aidar]

رد: حبيتك بروحي

منور ساري
شكرا على مرورك
وردك الجميل
تحياتي لك